Ցինկն օգնում է գլխուղեղի աշխատանքի լավացմանը

Ցինկը կարևոր հանքանյութ է, հայտնի մաշկի տոնուսի լավացման ունակությամբ, վերքերի արագ ապաքինմամբ, այն նաև պայքարում է քաղցկեղի զարգացման դեմ և կրճատում մրսածության հիվանդությունների երկարատև ընթացքը:

Վերջերս կատարված հետազոտությունների արդյունքները նույնպես ապացուցել են, որ այս օգտակար նյութը լավացնում է հիշողությունը և նպաստում ճանաչողական գործառույթների լավ կատարմանը: Բացի այդ, գիտնականները փաստում են, որ ցինկը կարևոր դեր ունի էպիլեպտիկ նոպաների վերահսկողության առումով:

Իրենց կատարած հետազոտություններով գիտնականներն առաջին անգամ կարողացել են որոշել ցինկի ազդեցության մեխանիզմը` որպես օգտակար նյութի, որը կարգավորում է հիպոկամպի նեյրոնները, հիշողության լավացման առումով: Ցինկի պահանջի բավարար մակարդակի ապահովումը կարևոր քայլ է գլխուղեղի ճշգրիտ գործառնության համար և կարող է տարեց հասակում կանխարգելել ճանաչողական գործառույթների նվազումը:

Ցինկից զուրկ օրվա սննդակարգը նպաստում է ճանաչողական գործառույթների խանգարմանն ու հիշողության հետ խնդիրներ է առաջացնում:

Գիտնականները հետազոտություն են անցկացրել, որն ուղղված էր ցինկի ազդեցությանը գլխուղեղի գործառույթի ուսումնասիրման վրա:

Լաբորատոր մկների վրա փորձարկումների ընթացքում օգտագործվել է քիմիական նյութ, որը միանալով ցինկին, այն դուրս է բերել կենդանիների գլխուղեղից: Գիտնականները նկատել են, որ հանքանյութի բացակայությունից, նեյրոնների միջև կապը նշանակալիորեն կրճատվել է: Դրա հետ մեկտեղ, հաստատվել է, որ ցինկը կենսականորեն անհրաժեշտ նշանակություն ունի հիպոկամպում նյարդային բջիջների արդյունավետ փոխազդեցության վերահսկման գործընթացում:

Հետազոտության արդյունքները ցույց են տվել, որ նյարդային բջիջներում  (վեզիկուլներում) գտնվող ցինկի խտության բարձր մակարդակը նպաստում է դրանց միջև ազդանշանների փոխանցմանը: Հիպոկամպի նեյրոններում ցինկի առավել բարձր խտությունն օգնում է նորմալ մակարդակի վրա պահել սովորելու և հիշողության գործառույթները: 

Լաբորատոր մկների գլխուղեղում ցինկի արհեստականորեն կարգավորվող մակարդակի շնորհիվ,  հետազոտողները կարողացել են  հաստատել, որ վեզիկուլներից ցինկի հեռացումը նույնպես արգելակում է ազդանշանների փոխանցման լավացմանը: Հանքանյութի մակարդակի ավելացման դեպքում, գիտնականներին հաջողվել է էականորեն վերականգնել հիպոկամպի հատվածում նեյրոնների միջև կապը:

Փորձամկների վրա անցկացված այս հետազոտության արդյունքները կարող են կիրառվել նաև մարդկանց վրա: Օրվա սննդակարգում ցինկի անբավարարությունը ներկայումս մեծ խնդիր է դարձել, ինչը վտանգավոր է առողջության համար:

Ցինկի անբավարարությունը ժամանակի ընթացքում կարող է հանգեցնել իմունիտետի իջեցմանը, սեռական գործառույթների խանգարմանը, թուլամտության զարգացման ռիսկի բարձր մակարդակի և ճանաչողական ունակությունների նվազմանը: Ցինկի հիմնական սննդային աղբյուր է լյարդը, տավարի և ոչխարի միսը: Բուսակերներն այս միկրոտարրի ստացման համար սննդակարգում պետք է ներառեն ընկուզեղեն, արևածաղկի սերմեր, ոլոռ: Օրգանիզմում ցինկի մակարդկը պահելու, հիշողության, ճանաչողական գործառույթների լավացման համար, խորհուրդ է տրվում օրական ընդունել 30-50 մգ ցինկ:

Հարցեր, պատասխաններ, մեկնաբանություններ